LA PAJINA DJUDEO-ESPANYOLA
AKI YERUSHALAYIM
Revista Kulturala Djudeo-espanyola

PAJINA DE ENTRADA

AKI YERUSHALAYIM

ULTIMO NUMERO

TODOS LOS NUMEROS

AKI YERUSHALAYIM #99-100

FILATELIA SEFARADI
MORDEHAY ARBELL

ROOI CATOOTJE
Muzeo djudio i biblioteka djudia en Curacao.

La Fondasion "Mongui Maduro", en la kapitala de las Antilias Holandezas, Curacao, desidio de tansformar la plantasion ke apartenia desde 1853 a la famiya sefaradi Levi Maduro, en un muzeo de Djudaika Sefaradi i de otros objetos de arte. La Fondasion "Mongui Maduro" fue formada en 1974 por la Sra Rashel Louise Levy Maduro, bivda de Salomon (Mongui) Abraham Levy Maduro, afin de onorar su nombre. Mongui Maduro era un ombre de alta kultura. El nasio en 1891, siendo de la ochena jenerasion de desendientes de Moises Levy Maduro, un gran mediko djudio portugez ke vino a Curacao en 1672. Al lado del muzeo se fraguo la biblioteka de djudaika en un edifisio muy moderno ke tiene koleksiones de livros de kultura jeneral i djudaika ansi ke istoria Vista de la biblioteka i kultura sefaradi.

La Posta de las Antillias ’Holandezas emitio un timbro de la plantasion de la famiya Maduro yamada "Rooi Catootje", ke es oy una atraksion turistika ansi ke muzeo i biblioteka ke mos kontan la rika istoria de la komunidad sefaradi en la izla de Curacao..

Tornar