LA PAJINA DJUDEO-ESPANYOLA
AKI YERUSHALAYIM
Revista Kulturala Djudeo-espanyola

PAJINA DE ENTRADA

AKI YERUSHALAYIM

ULTIMO NUMERO

TODOS LOS NUMEROS

AKI YERUSHALAYIM #99-100

MALDISION I BINDISION DE UN BIBLIOFIL SEFARADI

Avlando de Don Kishot, ke tenia en su kaza una rika biblioteka, kon livros ke le agradava meldar, los ke amamos livros ya podemos imajinarmos kon ke tristeza i a vezes mizmo ravia i frustrasion, los bibliofiles (amantes de livros) ke arekojeron livros, a lo largo de anyos, i krearon en sus kazas bibliotekas kon sienes de ovras literarias ke meldan i tornan a meldar mas de una vez, se dan kuento ke uno de sus livros desparesio, no esta en el lugar onde devia estar… Sera porke lo empresto a alguno de sus amigos, ke no se lo retorno, o aun peor, ke alguno de los ke lo vijitaron i se maraviyaron de su biblioteka, tomo uno de estos livros sin ke el se de kuento.
La ravia kontra estos “ladrones de livros” (i las bindisiones al ke toparia el livro arovado i lo tornaria a su patron), se reflektan en el sigiente teksto, ke traemos aki en 3 versiones:

*A la derecha - la ke fue topada en la pimera pajina de un livro, en soletreo;  i en las sigientes  pajinas

*Su transliterasion en letras ebreas kuadradas.

*La transliterasion en   letras latinas.

 

 

 

Dito livro es
de Asher Hanan
de Rodes

Todo el ken lo topara
i non lo dara, terna
las maldisiones de Paro  
DE PARO EL DE MISRAYIM

I todo el ken lo topara
i lo diera a su patron, terna
las bindisiones de la Ley
de Moshe Rabenu, Amen

 

Tornar